بقالى اربع ايام مفيش عندى انترنت اطلاقا صحيح انا مش فاضيه ادخل دلوقت لانى بقيت موظفه ذات شأن فى بلدنا العامر لكن ده ميمنعش ابداا انى ادخل حتى ابص على مدونتى العامره و نشاطتى اليوميه حتى ولو لعشر دقايق و لأن مفيش عندى نت ابدا مطلقا لمده اربع ايام صحيت النهارده الصبح وانا مضايقه فعلا لأن عدم تواجد الشىء اطلاقا ده شىء سخيف
و بقالى كام يوم الأحداث السياسيه مأثره عليه ومش بقدر اتابع الأخبار والنت بيكون سبيل انى اتابع احدث حاجه و اراء الناس المختلفه فعدم وجوده كان خانقنى
و نزلت الصبح كالعاده وبدات مشوارى اليومى مع حلم جديد انى ارجع الاقى النت فى البيت بقا افضل والوضع بقا احسن وانى لما اكلم الناس بتوع شبكه الأنترنت ويقولوا عندك نت تكون الكلمه حقيقه مش خيال و لا خدعه و بدات اظبط الاحداث فى دماغى وانى اذا رجعت ملقتش نت هعمل ايه وهتخانق واعمل قضيه و المره دى مش هسكت فعلا مش معقول هنفضل عايشين على مقوله ان الشىء موجود وهو فعليا مش موجود كده علطول و حفظت التفاصيل فى حلمى على طول المشوار من والى شغلى بس كنت بمنى نفسى ان الحلم يبقا حقيقه وانى ارجع الاقى نت ومضطرش ال تطبيق الحلم نمره اتنين زى الخطه و الخطه البديله كده بس للاسف رجعت واصطدمت بالواقع ان مفيش نت و فضلت اعمل تليفونات وبدات حرب استعاده الأنترنت لمده ساعه مثلا على افضل الأحوال و لأن لا يضيع حق وراءه مطالب قدرت اتوصل لان النت يرجع لمده ساعه ودخلت اكتب حلمى الجديد وهو ان يبقا عندى نت مش بس كلام و تبقا فى حاجه مختلفه فى بلدنا الذى يحقق فيه الأنجازات و هو ان كل بيت بقا فيه كومبيوتر وانترنت بس الحقيقه انه خدعوك فقالوا عندك نت D:
هناك تعليقان (2):
السلام عليكم ورحمة الله وبركاته
احب انبهك لحاجة مهمة جدا بخصوص النت يمكن تكوني غافلة عنها طبعا لزيادت اعبائك الوظيفيه وهي ان في ميعرفون بأخصائيون واستشاريون ومتخصيصون صون اه في النت والشبكات والكمبيوتر واظن وعلى ما اعتقد انك لجئتي لأحد هؤلاء الاختصاصيون وهو صاحب مركز كمال سرحان للكمبيوتر واعطالك نصيحة مخدتيش بيه فكانت النتيجة المعانه اللي انتي بتعانيها ولي لسه هتعنيها لعدم التزامك بهذه النصيحة والأذ بها وتستهل الخديعه
مشكده ولا ايه :)
طيب هو فعلا ال ميسمعش كلام ابن خاله الصغير يجرى له اكتر من كده واصغر منك بيوم يعرف عنك بسنه بس الحمد لله الوضع بقا احسن كتير و انا بحلم انه يستمر كده علطول و عموما جزاكم الله خيرا على النصيحه وشكرا على المتابعه و التعليق :)
إرسال تعليق