و زى العاده صحيت من بدرى ونزلت ابدء مشوارى اليومى بس النهارده مركبتش تاكسى و اخيرا قدرت اراده الشعب القويه تنتصر و قدرت اخد الموافقه بسواقه سوكا ( عربيتنا ) فكان النهارده اول يوم اروح مشوارى البعيد لوحدى وانا سايقه ومفيش معايا حد و نزلت و بدات مشوارى ومعاه حلمى اليومى
بس الحلم ده بقا شبه عاده يوميه حلم بيوم الأجازه ونهايه الاسبوع والحلم ده بيبدء من اول ما افتح عينى الصبح و امشى اكلم نفسى واقول انا ال جبته لنفسى وده مش لانى كسوله بس لأنى فعلا بصحا بدرى جدا ومشوارى بعيد جدااا و اكتشفت اننا الوحدين ال بنبدء من الساعه تمنيه الصبح و كل يوم بمجرد ما افتح عنيا الصبح
يبدء حلمى واسال نفسى هو النهارده يوم ايه ؟؟؟! و احسب طول الطريق باقى كام يوم على يوم الخميس ال هو طبعا يوم اجازتى و الغريبه ان الاسبوع بيعدى بسرعه مش هدعى و اقول ان الايام طويله يعنى مفيش اسرع من عمر الأنسان و يفضل الحلم ده من يوم السبت ولحد يوم الأربعاء و اصحا يوم الأربعاء وانا بقول خلاص الأسبوع خلص و هنبدء الاجازه الأسبوعيه
ويدوب اليوم يبدء وقبل ما يبدء بيكون خلص حاجه ولا فى الخيال زى الحلم لالا ده اسرع مش بلحق حتى احس بيه الا ويجى يو الجمعه ويبدء استعدادى اليومى للاسبوع المقبل و يجى يوم السبت وابدء معاه حلمى الأسبوعى بيوم الاجازه :)
هناك تعليقان (2):
السلام عليكم ورحمة الله وبركاته
انا تاني هههههههههههه ممكن اضيف الأغنية دي لأن لها علاقة كبيرة اوي بالمدونه من وجهت نظري
قبل متحلم فوق احلم وانت فايق
قبل متطلع فوق انزل للحقايق
جايز حلم في غمضة عين عايز يتحقق في سنين
وجايز يبقى الحلم اتنين وتحققهم في دقايق
حلم ادك ويمكن اكتر وحلم الأخضر مطلش يكبر
حلمك لس في ايدك حاول ميموتش فيك
نصيبي يمكن مكنش ليه طرقي طول ولف بيه
عافر يمكن تقوم حاسب على كل لون
قبل متحلم فوق احلم وانت فايق
قبل متطلع فوق انزل للحقايق
اه بس بتاعه مين دى انا اصلى مش خبره فى مثل هتيك الامور و عموما شكرا على التعليق
إرسال تعليق