مفيش فايده يا صفيه !!

من شهر اتنين ال فات تحديدا و انا عندى حلم من فتره لفتره احس انه خلاص قرب يبقا حقيقه و هشرع فى تنفيذه الا وهو انى احصل على شهاده رخصه القياده الدوليه او ما يطلق عليه ال اى سى دى ال فى البدايه كانت الفكره بالنسبه لى مرجد كورس هاخده لأنه مطلوب وعشان اضيفه لسى فى فى بلدنا الوقور رغم انى عارفه انه مش هيفرق كتير وكله ورق بس ورق مطلوب واحنا فى بلد الورق ايا كان نوع الورق شهدات فلوس عقود مااااا علينا احنا مش فى قضيه الورق دلوقت
المهم انى قررت احصل على الورقه دى و بدات ادور فين احسن مكان اخد منه الورقه و سعيت كتير لحد ما تاكدت انى ممكن اخدها مجانيه كمنحه من بلدنا العامر و نصحونى الناس اقدم من على الأنترنت وعشان القدر تحصل غلطه فى بيناتى و اتوزع على مكان الكورس الغى فيه من اكتر من ست شهور و اكتشف ان مفيش مركز ممكن يقبلنى ولا حتى على حسابى و ده لأن البيانات مسجله على الانترنت ولازم تتغير و اذا حكيت لكم القصه بتفصيلها من اول يوم لحد النهارده هتتصدموا من كميه التعقيد والبيروقراطيه ال انا بحارب فيها و كل ما تظهر لى بارقه امل بقرب انفراج الأزمه يروح الأمل وتتعقد الأزمه....... لغايه من شهر ونص تحديدا و انا فى بلف على مركز يرضى يقبل انه يغير بينانى لقيت مركز اكد لى انه خلاص الموضوع بسيط وان كل ال فات انتهى وان تغير البيانات امر سهل جداا وهم متكفلين بيه وفضلت اتابع معاهم و كل اسبوع تكون الأجابه واحده السبت الجاى هناكد عليك الكلام و سبت ورا سبت لحد ما عدا شهر ونص وكلمت الموظف المسؤول وسالته ايه الأخبار قالى اسف جدا حضرتك لازم تخاطبى الوزاره بنفسك مينفعش نغير البيناتو كان سؤالى طيب هى الوزاره هترد عليا رد بابتسامه عريضه وقالى لاء طبعا !!و ساعتها بس حسيت ان سعد زغلول الله يرحمه كان معاه حق و كل ال فى دماغى وبيتكرر من وقتها كلمته الأثيره مفيش فايده يا صفيه !!