و عشان كده احنا اخترناه قريت خبر فى صحيفه اخبار اليوم بيقول ان الريس دفع رسوم جمارك علبه بلح صغيره جايه له هديه من الامير فهد بن سلطان امير منطقة تبوك و ان مدير مصلحه الجمارك كلم يوسف بطرس غالى وقاله ان فى موظف عايز يدفع الرسوم و بطرس رد وقاله "ايوه طبعا خد منه الرسوم" ومدير المصلحه مطلبش بطرس عشان يتاكد ان الرسوم هتدفع او لاء على اساس انهم عمرهم ما دفعوا الرسوم و مجتش على كرتونه البلح يعنى ابدااا مش ده السبب ولا احب انه يجى فى بال اى حد منكم ان ده سبب مكالمه المدير لبطرس لكن السبب ان الراجل تحرج يعنى معقول يبقا الرئيس بتاعتنا ونخليه يدفع جمارك كرتونه بلح جايه له هديه ده حتى ميصحش ده ابن بلدنا وهو املنا و هنمشى المشوار وياه يبقا ازاى كده... بس الراجل اتفاجىء ان عمكو بطرس بيقوله ايوه خد الرسوم و الأكتر من كده انه رجع كلمه تانى واكد عليه ياخد ضريبه المبيعات كمان و الموظف طبعا رضخ للامر الواقع مع انه كان نفسه يخدم فى كرتونه البلح دى تحديدا و دفع الريس وصل جمارك بمبلغ (69 )جنيه نقدا وعدا على كرتونه البلح و على فكره الكلام ده مش تريقه ولا تهريج ده خبر بجد و نزل فى جرنان الجمهوريه السبت ال فات ومعاه صوره من الوصل ال الموظف سدده للجمارك و انا بصراحه شايفه ان ده مش خبر نتباها بيه ابدا و لا ننشره فى الجرايد الناس تقول علينا ايه شعب مصر كله مش عارف يتحمل ابن بلده و قائده ال خلا بلدنا بلد يحقق فيه الأنجازات فى كرتونه بلح دى فضيحه و وصمه عار فى تاريخ الشعب المصرى مش هيقدر يمحوها التاريخ ولا الزمن بس نعمل ايه هو الشعب ده عمره ما هيتغير .
بس بصراحه انا لما قريت الخبر قلت هو ده القدوه ال لازم نقلدها فعلا علشان كده احنا اخترناه .. اخترناه
هناك تعليقان (2):
الفضيحة اننا ننشر خبر زي ده في الجرايد..لأنه أكبر دليل انه حدث مش عادي..
و بعدين الريس بياكل بلح من تبوك و الشعب مش لاقي ياكل.. لأو بيدفع للبلح جمارك عشان يدخله هههههههههههههههه
اهو هو ده الشعب المصرى قاعدين تبصوا للراجل فى اللقمه مع ان محدش دفع له حاجه من جيبه و رغم انه دفع الجمارك بتاه البلح الا انكم برده باصين للبلح بدل ما تبصوا للموضوع بنظره موضوعيه بحته بعيده و بدل ما تقولوا ايه يعنى كرتونه بلح و الشعب يدفع تمنها وده اقل واجب بس زى ما قلت الشعب ده عمره ما هيتيغر
إرسال تعليق